பூந்தேனில் கலந்து

பூந்தேனில் கலந்து
பொன் வண்டு எழுந்து
சங்கீதம் படிப்பதென்ன
தள்ளாடி நடப்பதென்ன

பூந்தேனில் கலந்து
பொன் வண்டு எழுந்து
சங்கீதம் படிப்பதென்ன
தள்ளாடி நடப்பதென்ன

ஏறாத ஏணிதனில் ஏறி நடப்பாள்
நல்ல நேரம் வரும்
என்றென்றும் நல்ல புகழ்தன்னை வளர்ப்பாள்
அந்தக் காலம் வரும்

அவள் ஆரம்ப நிலையிலும் மீனாக ஜொலிப்பாள்
கலை வண்ணத் தாரகை என வருவாள்

அது நடக்கும் என நினைக்கும்
மனம் நாள் பார்த்துத் தொடங்கிவிடும்

பூந்தேனில் கலந்து
பொன் வண்டு எழுந்து
சங்கீதம் படிப்பதென்ன
தள்ளாடி நடப்பதென்ன

கட்டான மேனி உண்டு ஆடல் நடத்த
வண்ணத் தோகையவள்
சங்கீத ஞானமுண்டு பாடல் நடத்த
வானம்பாடியவள்

அவள் பூவிழிச் சிரிப்பினில் பூலோகம் மயங்கும்
பொல்லாதப் புன்னகை கலங்க வைக்கும்
நல்ல புகழும்
பெரும் பொருளும்
அவள் அடைகின்ற காலம் வரும்

பூந்தேனில் கலந்து
பொன் வண்டு எழுந்து
சங்கீதம் படிப்பதென்ன
தள்ளாடி நடப்பதென்ன

என்னைத் தன் நாதன் என்று சொல்லி மகிழ்வாள்
அதில் தயக்கமில்லை
எப்போதும் என் மடியில் துள்ளி விழுவாள்
மறு விளக்கமில்லை

அவள் தான் கொண்ட புகழ்
என்றும் நான் கொண்ட புகழ்தான்
என் நெஞ்சில் வேறெந்த நினைவுமில்லை
இதில் எனக்கும் ஒரு மயக்கம்
இது எந்நாளும் குறைவதில்லை

பூந்தேனில் கலந்து
பொன் வண்டு எழுந்து
சங்கீதம் படிப்பதென்ன
தள்ளாடி நடப்பதென்ன

'ஏணிப் படிகள்' படத்தில் 'பூந்தேனில் கலந்து'